Korporativ həllər
Nizam
İdarəetmə orqanlarında tapşırıqların icrasının izlənilməsi, xəbərdarlıqların və bildirişlərin verilməsi, iş yükünün bölüşdürülməsinə nəzarət sistemi olan "Tapşırıqlar sistemi".
Nizam
Layihə haqqında
Tapşırıqların idarəetmə sistemi, bir şirkətin və ya təşkilatın iş proseslərini təşkil etmək, tapşırıqları qeyd etmək, onlara nəzarət etmək, icra etmək və yekun nəticələri təhlil etmək üçün nəzərdə tutulmuş sistemdir. Bu sistem, tapşırıqların qarşılıqlı əlaqəsini, prioritetlərini, icra müddətlərini və digər vacib məlumatları təşkil edərək, iş prosesinin səmərəli olmasını təmin edir.
Sistemin məqsədi
- Tapşırıqların pərakəndə üsullardan (şifahi, e-poçt, cədvəl) vahid, etibarlı platformaya keçirilməsi
- Hər tapşırığın kimə təyin edildiyinin, hansı mərhələdə olduğunun və nə vaxt tamamlanmalı olduğunun şəffaf izlənməsi
- İcra intizamının gücləndirilməsi və gecikmələrin vaxtında aşkarlanması
- Təsdiq mərhələləri və audit vasitəsilə hesabatlılığın və məsuliyyətin təmin edilməsi
- Rəhbərliyin icra göstəriciləri əsasında operativ qərar qəbul etməsinə şərait yaradılması
- Təkrarlanan işlərin avtomatlaşdırılması ilə vaxt və əl əməyinin azaldılması
Əsas funksiyalar
- Tapşırıqların yaradılması və təyinatı: tapşırığın təsviri, prioriteti, icra müddəti, məsul şəxs və ya şöbənin təyin edilməsi, təkrarlanan tapşırıqların avtomatik yaradılması
- Status və iş axınının idarə edilməsi: tapşırığın mərhələləri üzrə izlənməsi, delegasiya və yenidən təyinat
- Mərhələli təsdiq: icraçının təqdim etdiyi nəticənin moderator tərəfindən ilkin, rəhbər tərəfindən yekun təsdiqi; rədd halında əsaslandırma ilə geri qaytarma
- Əməkdaşlıq və sənəd mübadiləsi: tapşırıq daxilində şərhlər, fayl əlavələri, qeydlər və iştirakçılarla müzakirə
- Müddət və icra nəzarəti: son tarixlərin izlənməsi, gecikmələrin avtomatik aşkarlanması, xatırlatma və bildirişlər
- Bildiriş sistemi: yeni təyinat, status dəyişikliyi, yaxınlaşan son tarix və təsdiq tələbləri barədə sistem və e-poçt bildirişləri
- Soraqçaların idarə edilməsi: tapşırıq növləri, prioritet və statusların, şöbə və kateqoriyaların əlavə edilməsi, redaktəsi və deaktiv edilməsi
- Hesabatlar və vizuallaşdırma: işçi, şöbə və dövr üzrə icra göstəriciləri, interaktiv panellər, süzgəclər, Excel/CSV/PDF ixracı
- Rol əsaslı giriş: MEİS üzərindən vahid giriş və şöbə səviyyəsində səlahiyyət bölgüsü
- Audit: bütün əməliyyatların, dəyişiklik və silinmələrin kim tərəfindən və nə vaxt edildiyinin tam tarixçəsinin saxlanması
Bu istiqamətdə digər layihələr
- eSənədAzərbaycan Respublikasında kargüzarlığın aparılmasına dair Təlimata uyğun olaraq sənəd dövriyyəsinin idarə edilməsini təmin edən sistem.
- Mərkəzləşdirilmiş Elektron İnformasiya SistemiVətəndaşların qəbulunun elektron qaydada aparılmasını, müraciətlərin qeydiyyatını və arxivləşdirilməsini təmin edən altsistem.
- "Mavi Kod" Təcili Xəbərləşmə Sistemi“Mavi Kod”- həyat i təhlükəli vəziyyətlər zamanı çağırışların operativ ötürülməsini, real vaxt rejimində izlənilməsini və idarə olunmasını təmin edən vahid çağırış və monitorinq sistemidir.
- AgXAgX - ismarıcları, zəngləri, görüşləri və iş proseslərini bir tətbiqdə birləşdirən, təşkilatın öz serverində işləyən vahid ünsiyyət platformasıdır.
- Tibb bacısı çağırış sistemiTibb bacısı çağırış sistemi - xəstə çağırışlarının tibb bacılarına yönləndirilməsini və real vaxtda izlənilməsini təmin edən tibb bacısı çağırış sistemidir.
- eSandigeSandig - fiziki və elektron arxivi vahid sistemdə birləşdirən, hər sənədin uçotunu və nəzarətini təmin edən Elektron Arxiv İdarəetmə Sistemidir.