Dövlət sistemləri
Yol Reyestri və Aktivlərin İdarəedilməsi
Avtomobil yolları və yol infrastrukturunun vahid dövlət reyestrini və qanunvericiliyin tələb etdiyi texniki pasportlaşdırılmasını təmin edən, digər bütün yol sistemləri üçün master data mənbəyi rolunu oynayan informasiya sistemi.
Yol Reyestri və Aktivlərin İdarəedilməsi
Layihə haqqında
Sistem "Avtomobil yolları haqqında" Qanunun 25-ci maddəsinə və Azərbaycan Avtomobil Yolları Dövlət Agentliyinin Nizamnaməsinə əsasən yolların vahid dövlət reyestrinin aparılmasını təmin edir. Reyestr modulu hər yol üçün unikal identifikator formalaşdırır, yolu seqmentlərə bölərək hüquqi, məkan (koordinat, mərkəz xətti, təhkim zolağı, torpaq sahəsi) və təsnifat məlumatlarını saxlayır, məlumatların 30 gün ərzində yenilənməsinə nəzarət edir. Hər aktiv (körpü, tunel, geotexniki qurğu və s.) üçün unikal identifikator yaradılır, aktivin yol/seqmentlə əlaqəsi, növü, GİS üzərində yerləşməsi və statusu izlənilir. Texniki pasport modulu aktiv növünə uyğun şablonlar əsasında texniki xüsusiyyət, ölçü, konstruktiv və material məlumatlarını strukturlaşdırılmış şəkildə saxlayır, sənəd/foto/video əlavəsini və versiyalaşdırmanı dəstəkləyir. Sistem rol əsaslı səlahiyyət modeli, məhdudlaşdırılmış status keçid qaydaları, təsdiq iş axınları, bildiriş mexanizmləri və məlumat validasiya/keyfiyyət nəzarəti vasitəsilə idarəetmə proseslərini tənzimləyir. Vahid reyestr axtarış-baxış interfeysi və rəhbərlik üçün barometr paneli vasitəsilə yol şəbəkəsinin ümumi vəziyyəti, riskləri və icra göstəriciləri operativ şəkildə təqdim olunur.
Sistemin məqsədi
- Avtomobil yolları və yol infrastrukturu üzrə bütün obyektlərin vahid dövlət reyestri kimi uçotunu təmin etmək
- Qanunvericiliyin tələb etdiyi texniki pasportlaşdırmanı həyata keçirmək
- Digər bütün yol sistemləri üçün etibarlı master data mənbəyi rolunu oynamaq
- Yol, seqment, aktiv, pasport və sənəd məlumatlarının dəqiqliyini və aktuallığını təmin etmək
- Status keçidləri, rol əsaslı səlahiyyətləndirmə və təsdiq iş axınları vasitəsilə məlumatların icazəli və audit olunan şəkildə idarə olunmasını təmin etmək
- Providing management with operational, aggregated information on the status, risks, and performance level of the road network
Əsas funksiyalar
- Yolların, seqmentlərin və aktivlərin unikal identifikatorlarla vahid dövlət reyestrində qeydiyyatı və GİS üzərində məkan məlumatlarının saxlanması
- Aktiv növünə uyğun şablon əsasında texniki pasportların yaradılması, texniki xüsusiyyətlərin, sənəd və media materiallarının idarə edilməsi
- Status modelləri və məhdudlaşdırılmış status keçid qaydaları əsasında obyektlərin həyat dövrünün idarə edilməsi
- Rol əsaslı səlahiyyətləndirmə və təsdiq iş axınları
- Sistem daxili, e-poçt və SMS kanalları vasitəsilə hadisə əsaslı bildiriş və xəbərdarlıqların göndərilməsi
- Vahid reyestr cədvəli üzərindən axtarış/baxış və barometr paneli vasitəsilə yol şəbəkəsinin vəziyyətinin icmal təqdimatı
Bu istiqamətdə digər layihələr
- Onlayn Növbə və Qonaq Qəbulu SistemiQonaqların qəbul və qeydiyyat proseslərini idarə edən, qəbul məlumatlarının izlənilməsini və müxtəlif aspektlər üzrə təhlilini təmin edən sistem.
- Tibbi Arayış və Statistik Kart SistemiTibbi arayışların elektronlaşdırılmasını və statistik məlumatların mərkəzləşdirilmiş şəkildə toplanmasını təmin edən, vətəndaşlara müxtəlif tibbi arayışları elektron formada əldə etməyə imkan verən sistem.
- Tibbi Tullantıların Uçot SistemiTullantıların yaranması, təkrar emalı və zərərsizləşdirilməsi üzrə uçotun aparılmasını və məlumatların elektron şəkildə idarə edilməsini təmin edən informasiya sistemi.
- Həkim Sertifikasiya İmtahanı SistemiHəkimlərin sertifikasiya sınaqların onlayn keçirilməsi üçün proqram təminatı.
- Kök Hüceyrə Donorları Uçot SistemiKök hüceyrəsi donorları ilə işlərin təşkili istiqamətində uçot sistemi.
- Donor İdarəetmə SistemiDonorlar, resipiyentlər və donor orqanlar üzrə məlumatların vahid dövlət informasiya sistemində idarə edilməsini təmin edən sistem.