Rəsmi statistik hesabatların proqram təminatının hazırlanması

Dövlət Statistika Komitəsi tərəfindən müxtəlif iqtisadi və sosial fəaliyyət sahələri üzrə statistik məlumatların toplanması və təhlili məqsədilə hüquqi və fiziki şəxslər üçün elektron hesabat formaları təqdim olunur. Layihə çərçivəsində müxtəlif statistik istiqamətlər üzrə 30-a yaxın hesabatın elektron formada doldurulması və təqdim edilməsi üçün proqram təminatları hazırlanmışdır. Sistem vasitəsilə hesabat təqdim edən şəxslər müvafiq elektron hesabat formasını seçərək tələb olunan məlumatları daxil edir və hesabatı elektron qaydada təqdim edirlər. Hesabatlar aylıq, rüblük və yarımillik dövrləri əhatə edir. Hər bir hesabat üzrə aktivlik müddəti Dövlət Statistika Komitəsinin əməkdaşları tərəfindən tənzimlənir və hesabatın təqdim edilə biləcəyi dövr müəyyən olunur. Dövlət Statistika Komitəsinin əməkdaşları sistemə daxil olaraq təqdim edilmiş hesabatlara baxır və məlumatları yoxlayırlar. Hesabatlarda səhv və ya uyğunsuzluq aşkar edildikdə, hesabatı təqdim edən şəxslə əlaqə saxlanılır. İstifadəçi sistemə daxil olaraq müvafiq düzəlişləri edir və hesabatı yenidən təqdim edir. Sistem istifadəçilərə təqdim etdikləri cari və əvvəlki hesabatlara baxmaq, hesabat tarixçəsini izləmək imkanı yaradır. Bu yanaşma statistik məlumatların elektron qaydada toplanmasını, hesabatların vahid sistem üzərindən idarə olunmasını və məlumatların yoxlanılması prosesinin təşkilini təmin edir.