Əmək Müqaviləsi İnformasiya Sistemi

Əmək müqaviləsi bildirişlərinin elektron qaydada təqdim edilməsi, qeydiyyata alınması və idarə olunmasını təmin edən informasiya sistemidir. Sistem əmək müqaviləsi bağlandıqda, ona dəyişiklik edildikdə və ya müqaviləyə xitam verildikdə müvafiq bildiriş və məlumat formalarının elektron informasiya sisteminə daxil edilməsini, həmçinin bu məlumatların real vaxt rejimində əldə olunmasını təmin edir. Sistem daxil edilən məlumatların müəyyən edilmiş tələblərə uyğunluğunu yoxlayır, uyğun olmayan məlumatların daxil edilməsini məhdudlaşdırır və məlumat qəbul edilmədikdə istifadəçiyə dərhal müvafiq bildiriş təqdim edir. Qeydiyyata alınmış məlumatlar sistemin məlumat bazasında saxlanılır və əmək bazarı iştirakçıları üçün əmək münasibətlərinin elektron şəkildə idarə edilməsinə imkan yaradır. Layihə informasiya-kommunikasiya texnologiyalarının tətbiqi sahəsində Azərbaycanın uğurlu təcrübəsi kimi Beynəlxalq Telekommunikasiya İttifaqının (BTİ) “Çempion layihə” mükafatına layiq görülmüşdür.