Məxfilik Siyasəti – myEV.az

 

Son yenilənmə tarixi: 10.02.2025

 

myEV.az (bundan sonra – Tətbiq) vasitəsilə təqdim olunan xidmətlərdən istifadə zamanı İstifadəçinin (bundan sonra – İstifadəçi) fərdi məlumatlarının toplanması, emalı və qorunması prosedurlarının tənzimlənməsi üçün bu Məxfilik Siyasəti (bundan sonra – Siyasət) hazırlanmışdır. Tətbiqdən istifadə etməzdən əvvəl bu Siyasətlə tanış olmaq vacibdir.

1. Fərdi məlumatların toplanması

myEV.az tətbiqi xidmətlərin göstərilməsi üçün aşağıdakı fərdi məlumatları toplaya bilər:

• Elektron poçt ünvanı;
• Mobil nömrə;
• Cihaz məlumatları (tətbiqin funksionallığını artırmaq üçün);
• Geolokasiya məlumatları (stansiyaların xəritədə göstərilməsi üçün);
• Avtomobil məlumatları – markası, modeli, qeydiyyat nömrəsi və şarj birləşdirici növü.

Bu məlumatlar yalnız tətbiqin funksionallığını təmin etmək və müvafiq qanunvericilik tələblərinə əməl etmək məqsədilə istifadə olunur.

2. Fərdi məlumatların emalı

Toplanan fərdi məlumatlar aşağıdakı məqsədlər üçün emal edilir:

• İstifadəçinin qeydiyyatı və hesabına girişin təmin edilməsi;
• Rezervasiya və şarj prosesi ilə bağlı məlumatların idarə olunması;
• Sorğuların cavablandırılması və dəstək göstərilməsi;
• Xidmətlərin keyfiyyətinin artırılması və yenilənməsi;
• Avtomobil və şarj istifadəsi ilə bağlı statistik məlumatların təhlili.

3. Fərdi məlumatların paylaşılması

myEV.az fərdi məlumatları yalnız aşağıdakı hallarda üçüncü tərəflərlə paylaşa bilər:

1. Dövlət orqanlarının qanuni sorğusu və ya məhkəmə qərarı olduğu halda;
2. Hüquqi mənafelərin qorunması üçün zəruri olduqda;
3. İstifadəçinin əvvəlcədən razılığı olduğu hallarda;
4. Rezervasiya, ödəmə və şarj xidmətlərinin idarə olunması məqsədilə tərəfdaş ödəmə və xidmət provayderləri ilə inteqrasiya zamanı.

4. Məlumatların saxlanma müddəti və silinməsi

Toplanmış fərdi məlumatlar yalnız tələb olunan müddətdə saxlanılır və daha sonra silinir. Məlumatların saxlanma müddəti aşağıdakı kimidir:

• İstifadəçi hesabı aktiv olduğu müddət ərzində məlumatlar saxlanılır;

Məlumatların silinməsi aşağıdakı üsullarla həyata keçirilir:

• Elektron məlumatların bərpası mümkün olmayan şəkildə formatlanması;
• Kağız daşıyıcılarda olan məlumatların məhv edilməsi.

5. İstifadəçi hüquqları

İstifadəçi aşağıdakı hüquqlara malikdir:

• Fərdi məlumatlarına baxış;
• Yanlış məlumatların düzəldilməsini tələb etmək;
• Fərdi məlumatlarının silinməsini tələb etmək;
• Məlumatların işlənməsinə etiraz etmək;
• Fərdi məlumatlarının surətini tələb etmək.

Hüquqlardan istifadə üçün: [email protected] elektron ünvanına müraciət edə bilərsiniz.

6. Kukilər və izləmə texnologiyaları

Tətbiq istifadəçilərin təcrübəsini yaxşılaşdırmaq üçün kukilərdən istifadə edir. Kukilər brauzer parametrləri vasitəsilə idarə edilə bilər. Kukilərin deaktiv edilməsi bəzi funksiyaların tam işləməməsinə səbəb ola bilər.

7. Məxfilik siyasətinə dəyişikliklər

Bu Siyasətə müvafiq qanunvericilikdə dəyişikliklər olduğu halda yenidən baxıla bilər. Əhəmiyyətli dəyişikliklər barədə əvvəlcədən məlumat veriləcək.